第四一 至 第五〇
４１＊＊時間： 地點：
（一日，與繼業之妻爭論油鹽碎項，聞之，忿忿不平，接口罵曰）
繼 業：你做家婆，駛乜認得咁正呀？我老婆話剩都未到你話。（唔通工夫你老婆做刺然
（後到佢做麼）你咁就整成裝模作樣嗎？你好聲色咯！我勸你唔好講咁多，講得
多你有錯！
（你的說話就先錯了）罵得庶母兩淚交流。）
（忽然來到，聽聞如此怒罵，勃然變色曰）
繼 功：大約我老母個的說話，都是平常，硑得罪你老婆呀！照事講事，駛乜講聲色唔聲
色呢？我老母唔聲色，唔通你好聲色麼？
繼 業：細佬，你大約想打過嗎？
繼 功：（都有幾分意）想打唔打，要我自己知對，人之子而派人老母不是，實在唔服。
繼 業：你唔服，點樣呢？
繼 功：要罵你！
繼 業：唔許你罵，點樣呢？
繼 功：唔許我罵都要罵，唔通羅得翻？
（講到個句說話，誰不知繼業裝定身勢，紮起髻氏的，繼功亦抽高褲腳，卷實衫
（袖，撒手曰）
繼 業：不必講、不必講，打過分道理。
繼 功：就話打，怕你麼？
（性如蟋蟀近中秋，亂叫聲聲惡氣福）
（今日相逢難罷手，拍身拍勢就埋頭。）
（繼功紮定子午馬，繼業紮定四平馬，繼業一拳打向頭來，繼功用左手招開，右
（拳打回繼業乳旁之側。）
（繼業轉馬側身進前一挨，用手撥開，順拳搭上，繼功正額眼中水火都標。）
（打交工夫學過幾年，孝弟工夫一毫未學）繼功自料力不能當，閃身就走，跑回
自己屋內，摸著牀頭個張單刀。）
（繼業知繼功回取利器，自己亦發腳走回家，尋著一雙鐵銅。）
（誰知繼業執銅出門，繼功來到門口等定，見繼業出來，盡勢一刀攏去，（此刀
（算利，亦算好駛）肚內流腸，滿地鮮血，大叫一聲而死。）
（此時唔打得咯，唔好睇咯）是日適值墟期，男婦多去投墟，連繼德、繼績亦不
在屋。）
（兄弟相打之時，婦人叫喊，而鄰里左右見他兄弟遇時打慣，當作平常，（工夫
（純熟之至）豈料出起刀來，救之不及。）
（宗族聚議，即將繼功捉住，捆綁鳴官。）
（此時理應出工夫仔，要用折法）眾口一詞，不能不認，重打數百，押入監房。
）
（單刀放在何處呢）照律殺兄之候，應議凌遲定罪，不料繼功染病，又因重受官
刑，元氣大傷，忿悶而絕。）
（監牢身喪，戾氣消沉，嗚呼哀哉！同歸一荊（兩兄弟唔耐打）又說繼業之妻馮
（氏，繼功之妻曹氏，兩人不同居也。）
（馮氏每日到曹氏門前咒罵。）
４２＊＊時間： 地點：
繼 功：（一日，罵入屋內，曹氏惱不能堪，出聲答曰）嚇嚇，你家男子死，我家男子生
麼？你硑丈夫，我亦守寡，大眾都同一苦，你何為來罵我呀？
馮 氏：你唔好老公，斬死我老公，我要問你羅翻個老公！
（一句老公，兩句老公，句句都係老公。）
（你既愛老公惜老公，何不勸諫下老公，開解下老公？牀上睡時，細心化導老公
（，門前罵時，盡力攔阻老公，叫老公忍氣，叫老公平心，叫老公保重自己，叫
（老公饒讓他人，然後老公不至鬧事，老公不至傷身。）
（常得見老公，唔憂硑老公。）
（若平日唆擺老公是非，當時任由老公打鬧，過後悲切老公唔在，許你，點樣痛
（老公、念老公，都係叫做唔要老公。）
繼 功：（曹氏曰）你講咁蠻咁惡，唔通想打過麼？
馮 氏：就講打都唔怕你。
（話完即抽身抽勢，紮緊只髻，一拳打向曹氏面上。）
（曹氏雙手推開馮氏，又盡勢撲埋來，推跌曹氏在地，頭披髻散，覆面橫眠。）
（馮氏快騎上背脊，伏低亂捶亂撼，以手扭佢耳朵，用口唆佢膊頭。）
（寫得女人打法，情景極生）曹氏伏在地，氣嘈嘈，眼白白，頭搖譬亂，詐啞不
出聲。）
（原來馮氏生得高大，身駕重的，所以壓住曹氏唔轉動得。）
（曹氏咬牙抵住痛，停一息間，覺馮氏氣帶嘈，力帶倦，曹氏努起勢來，盡力反
（起身，望見檯面有一張菜刀，順手執來，照面削去。）
（馮氏閃避不及，頭殼破開，鮮血滿身，登時倒地而死。）
（曹氏知事不能了，即走去井邊，向頭落井而死。）
（慌死唔得快）亞孝死了兩個仔，又死了兩個新婦，哭到傷心，愁懷滿腹，低頭
無語。）
（自怨前非，無片善之及人，積餘殃之累後，所謂福無重至，禍不單行也。）
（尚未行得盡）一生惡氣難消受，留與兒孫作抵當。）
（死得傷心如此慘，本來肚內有刀槍。）
（誰知一波未平，一波又起。）
４３＊＊時間： 地點：
（且說之外父，叫做馮大立，痛恨女之死亡，而發怒曰）
繼 業：我女婿既受刀亡，又將我女殺死，唔通佢做家婆，總有家教，只曉得飲醋而已。
（叫各子姪到來，吩咐各執銅鞭鐵尺，懷藏身內，去捉親家婆，打佢一身，罵醒
（佢心，拭開佢銀，丟過佢駕，然後心甘。）
（你個女既死，人之子亦亡，付之大數便了，可以無事。）
（偏要去生事、滋事、惹事，鬧至累出大事，叫做一番招累。）
（本無累也，而去招之，究竟有何所謂？）
（眾子姪跟尾而去，一個二個，陸續而來。）
（曾之家亦不知來尋打也，出其不意，捉住亞孝老婆，即時脫衣亂打，大聲喊「
（救命」，亞成走出來，怒曰）
亞 孝：我家死人披麻，你重來找我晦氣。
（喝起子姪，各執傢伙而出，或持刀，或駛棍，蜂擁蚊喧，打得馮氏各人，失魂
（而走。）
（自取其災，謂之解衣包火）亞成捉住馮大立，割去雙耳。）
（大立之子走迴護救，被繼績一鐵棍掃來，打折一腳。）
（馮氏一班子姪各有所傷。）
（問你爽唔爽呢）馮大立掩住雙耳，血淋淋，面青青，好似鬼追咁跑。）
（甘心唔甘呢）剩下個仔，被打折腳，眠在路旁。）
馮 氏：（此時定必大聲哭叫）亞爹呀！
（亞成使人用大睡板抬回馮氏村邊，放下急走回矣。）
（此件事，馮大立大有不該，有自取之罪。）
（在亞成，雖屢經打鬧，人命傷殘，亦當饒讓三分，忍頸就命。）
（就係將亞孝老婆打了幾下，未免受眼前虧，都係唔抵咯。）
（然有咁多子弟可以攔阻得住，未必真正點樣淒涼，既不與講情理，喝出傢伙打
（之，而馮氏飛跑而奔亦可以罷手，為何又切去耳、打折腳，剩的手尾來跟呢？
（總之，暴氣未消，必要大經折挫一場，方肯回頭心息也。）
（亞成叫繼績先到縣，將此事情稟上。）
（惡人先告狀）話馮大立登門尋打架，自己裝傷。）
（而馮大立之狀詞亦到，話帶子姪去弔香，並問原委，誰知佢發起怒來，將我父
（子打傷，如此如此。）
（官大怒，既發三班差頭，去捉亞孝全家。）
（五更早來，四面圍住，（此時亞成要喝起子弟出傢伙為是）所有男人，盡行捆
（綁拖去，只有亞忠走脫出來。）
（亞成個班腳色，捉入官門，打得昏天黑地。）
（任你拳頭勝鋼堅，官爐有火不須煙。）
（鑄鎔你的凶蠻氣，鐵骨銅筋軟似棉。）
（打了一堂又一堂，受了幾番痛苦，押入監內。）
（衙門罪犯，凡人去坐監者，必要買通監口，進奉錢銀，然後掌監及老犯之徒唔
（難為你。）
（若無銀孝敬佰，就捉住你非刑吊打，打到你願出銀為止。）
（如果打過一次八次，都有錢銀，不用打咯。）
（亞成等人監中，並無人來打點，（打交乜得咁多人呢）錢銀有得應用，所以打
（到險死還生。）
４４＊＊時間： 地點：
（一日，掌監禁子喝起老監賊，將亞孝父子、兄弟、叔姪，一個二個用繩吊起，
（似廟內燈籠一樣。）
（個班老監賊，你又打，我又打，有的打頭，有的打腳，打得這個喊）
亞 孝：苦呀！
各兄弟：（那個喊）苦呀！
（父哭嗚嗚，子悲切切，叔呼罷手，姪乞求饒，而禁子愈打愈多，哭聲愈叫愈慘
（。）
（兄不能救弟，弟不能救兄，骨肉之間，惟有你眼望我眼而已。）
（監中打到各魂消，哭盡千聲不肯饒。）
（叔姪弟兄空眼望，臘腸吊起一條條。）
（亞忠直走去三泊，求亞悌二哥來打救。）
（將近到門前，不敢入，畏其憎惡己也。）
（剛剛遇著亞悌，同其子繼善、其姪繼祖，三人入秋闈滿三場而歸。）
（亞成等剛剛遇秋審，打了三堂，尚未得歸）望見亞忠，心神盡喪，驚曰）
亞 悌：細佬，你由何處而來？
（亞忠即跪在地，亞悌更加大驚，執手入廳堂之內。）
（亞忠細談端的，盡將原委告知，嚇得一頭汗曰）
亞 悌：如此奈何呀！一門暴戾，早知其禍久矣。（無奈好多若兄弟唔知）非因此，我駛
乜來此遠避呢？但我離家既久、與縣官無聲氣之通，如今走去求情，患得羞辱。
但得馮親家重傷而不至於死，我三人或有一個中舉，此件案可以易得維持，如或
不然，真費手矣。
（乃留亞忠在此，食與同餐，夜與同寢。）
（亞忠感其恩惠，覺有悔心。）
（又住十餘日，見其父子、和藹春風，一堂雍睦，不覺淒然下淚）
各兄弟：吾今而知前者之非人也。
（亞悌喜其悔悟，樂教導之。）
（及至九月初十，省城開榜，報到亞悌父子同科，繼祖亦中副榜，不勝之喜。）
繼 祖：（新春門口對云）安居之宅春常在﹔積善之家慶有餘。
（亞悌之慶有餘，兩父子中舉中到，剩繼祖跟尾，執而拾之，尚得個副榜。）
（可知與善人同行，都有益也。）
（生平忍讓受虧多，父子榮登共一科。）
（天眼既開人眼見，兒童拍手笑呵呵。）
（明朝科甲極重，凡登科者，令邑生光，官府為之敬禮。）
（亞悌與子姪入拜縣官，縣官大加賞面。）
（即向縣官求情，稟曰）
亞 悌：治下個處，自己之賤兄弟一時暴氣，鬥毆傷人，原情定罪，律不能寬。但骨肉相
關，安能坐視，求老父台處大開法網，賜以仁慈，不迫既往之非，許以自新之路
，某等不勝惶恐，無限沾恩。
官 差：此亦易事，放他何難？但兄弟歸家，須宜約束，不可依然放肆，再犯前非。
（亞悌歸家，復往馮親家處求情，自認不該，望為勿怪，又贈金銀藥物，作補醫
（理之資。）
（大立心雖不甘，而見其貴勢炎炎，難與相抗，況又求情盡禮，事許從寬，而亞
（成等一班腳色，俱放歸來矣。）
（一見亞成，即走上前叩頭見禮，亞成大聲曰）
亞 悌：細佬，恭喜咯！皇天有眼咯，唔虧負你咯！你一生好相與，肯受虧，念骨肉之情
，盡中和之道，唔怪得天庇你。自己中舉，仔又做舉人，連到個姪去你處住，教
佢讀書，都中了副榜，你個點善氣了得咁大麼！（大贊一番，議出亞悌好處）亞
孝一世有人水，有情份，至薄倖做了，至反骨做齊，個的罪孽，積埋累到兩個仔
、兩個新婦如此死法，連累到我一班兄弟、子姪，重受官刑。（大罵一番，議出
（亞孝醜處）你話為善好呢，作惡好呢？
打亦打得多，鬧亦鬧得多，惱亦惱得多，苦亦苦得多，究竟想來，都由自取
，（連自己都罵）以至人財兩失，雞犬不寧，為鄉里所憎，為親朋所笑。反不如
細佬，隨隨便便，安靜無事，重快活過神仙，唔知幾得意也。（你都知道麼）細
佬，你勿去三泊住咯，快的搬家眷歸來，兄弟叔姪有時坐埋，講下道理，免至淨
曉得一身蠻氣，被他人笑作馬牛也。
（兄弟閒居聚一群，不談惡氣講斯文。）
（而今願曉人間事，禍福因由點樣分。）
亞 悌：大哥，我歸來亦易，但恐兄弟唔聽我勸，終何用呀？
亞 成：細佬歸來，各人以你為主，你話打便打，你話唔打就唔打，務宜要依你。誰一個
敢不遵從呢，我斷唔肯佢，你若不信，各人要在當天盟誓，以表真誠。
亞 悌：如果兄弟同心，家門之福咯！
（亞悌由是帶家眷回來。）
（燕飲幾日，亞成叫齊一家男婦，齋戒沐浴，焚香告天：從今以後，願改前非，
（所有嫌疑，冰消瓦解，家內一團和氣，彼此相安﹔好事多為，以求福蔭。）
（稟完之後，紛紛叩頭，回坐大廳，分開男婦，各行尊卑拜跪之禮，喜色融融。
（）
（晚晚在廳堂，男婦齊集，聽亞悌講家庭世事及古來忠孝賢良，抵掌而談，生氣
（勃勃。）
（講到悲歡離合之處，令各聽者眼淚都來，方知天地鬼神，其禍福消怠之機，原
（來如此。）
（又聽到古今來有咁多好人物，想起從前大小，原是不感人也。）
（講了半月，男婦之心變了八九，其惡氣消了八九，於是出見外人自覺羞顏矣，
（不覺低頭矣，久之而生和氣矣，又久之而有喜色矣，幼知敬長，而父知教子矣
（。）
（有的稱亞悌做家先生，而且作生菩薩矣。）
（及後，亞悌之長子繼善出仕做官，而幼子繼福，又中鄉科一榜，一門之內，幾
（代功名，天之愛善人，厚待如此。）
（亞悌共七兄弟，手足如此其多，而心腹並無一個。）
（假使眾兄弟盡如亞悌之意，其家興發不知如何。）
（假使亦如眾兄弟所為，人物死亡，不知何底。）
（想當日曾恭禹而生七子，自稱好命，人亦贊其好命焉。）
（只知贊好命，未有贊其好仔也。）
（其仔不好，命亦不好矣，且多仔不如少仔矣，有仔不如無仔矣。）
（何也？一者費心血、破錢財，二者添煩惱、惹羞辱也。）
（何幸生得個亞悌，係秀才而做蕪苗蔥、做香頭也。）
（假使亞悌自恃秀才，練成狀棍，串弄衙門，而亞孝之身家破矣，亞仁、亞義個
（的惡氣，如虎生翼矣。）
（亞孝之女死，馮大立之女死，兩個親家告發起來，有一場官府仔鬧下矣。）
（兄弟之蠻惡，加以紳衿之把持，生出無限風波，害人害己，而曾恭禹之祖德宗
（功，孫枝奕柴，一掃光矣。）
（誰不知亞悌之做秀才，學聖賢之秀才也，講情理之秀才也，積福澤之秀才也。
（）
（以倫理為真，以心田為主，任兄弟之鴉爭鵲噪，自己鶴立雞群，亞婆心，赤子
（性，含情不怨，菩薩低眉，行委曲以圖全，真秀才中之表率者也。）
（究之興者自興，敗者自敗，天亦難容惡業，惟佑善人。）
（到底兄弟都以亞悌為好人，想去想來，，總以學他為好。）
（假使亞孝早知錯過，前一年之上，悔罪心誠，又何至家散人亡，一番招累？大
（抵肚中濕熱，積結多時，非真大瀉一場，未肯從新謹慎。）
（亦如行好要待事穿，做賊要待被捉，然後手忙腳亂，膽碎魂驚，方識前非，回
（頭怨錯，亦已遲矣。）
（故君子舉動，未見禍而預早修心，小人昏迷，禍臨頭而方知怨氣。）
（一個先一著，一個遲一步也。）
（此段事，又叫做眾虎一麒麟，以亞悌作麒麟而一班兄弟作老虎也。）
（獸之猛者莫過虎矣，曉食羊，曉食豬，曉食狗，而且食人矣。）
（老虎雖惡，有人敢裝老虎，捉老虎，剝老虎皮，食老虎肉，抽老虎腸，羅老虎
（膽，切老虎口，敲老虎牙，而且將虎皮送與菩薩坐，破虎骨來燉虎骨膠。）
（虎嘯風生，何以個陣時無一毫猛氣也？）
（麒麟為至善之獸，兒童見之不驚，男婦見之不懼，而能化煞消凶，亦頗有驗。
（）
（每見人家屋內，寫麒麟在此而不寫老虎在此，有舞麒麟而不舞老虎，何也？取
（其善氣吉祥也。）
亞 悌：（書曰）柔勝剛，弱勝強。
（此之謂也。）
（三千斤大炮打向賊船，打向賊艇，能打折舵，能打折桅，推斷尾棚，推倒全只
（，其氣勢之大，可謂壯哉。）
（若將網掛在船傍，炮彈飛來，只噗一聲而自跌落水，何也？網不受其力也。）
（又曰：舌柔常在口，齒折只為剛。）
（舌在口中，自初生時，以至臨死，露開個口而舌尚存。）
（其牙出世得遲，而破敗得早，故有四十歲而脫落三兩隻者，五十歲而脫落六七
（隻者，六十歲而脫落十餘只者，有的到老臨死時，所剩無幾只矣。）
亞 悌：（論口內之物，其硬莫如牙，其柔莫如舌，牙每先折而舌常留，有時牙不服曰）
亞舌哥也，你撈世界，得咁長久，而我一班兄弟，好多隨落而不見了，何也？
亞 舌：你壞在一個「恃」字，恃有上牙、下牙、大牙、板牙，上下有拍手，內外有照應
，惡在一把牙恃兄弟多，恃氣力猛，遇食豬腳骨，要咬到碎，食雞腳趾，要咬到
爛，誰不知硬鬥硬，兩家散，你傷人，人傷你矣。你重有一件至可惡事，有時咬
口唇，咬舌尖，自家骨肉自取傷殘，所以門外多人憎，門內有人受也。你做人實
在啥中用，只顧自頭肥，不理心腹壞。一次食尿喪雞，一次食死顛狗，臭口而不
知，毒心而不覺。又不知份量，又不識細微，至大者牛而敢咬之，至小者蝨而亦
咬焉，是你之無所揀擇也。又有度量，又有隱藏，遇人不合自己意，就咬牙切齒
，想去吞人，個的就是你之壞處。你一世所咬者多矣，而可以累你苦楚者，惟有
流牙血，生牙蟲，風火牙痛，牙肉腫浮，而你不知悔也，必至折磨，必至搖落，
而後已焉。
亞 悌：（亞牙曰）你數我咁多碟腳，咐多牌底，句句亦真，我唔怪你。但我等做牙，亦
有許多好人物，矜貴淡定，取細而食，擇潔而餐，不盡橫吞大嚼也。
亞 舌：別家別戶，得涵養之法，安享和平者，我不得而知。惟我與你同居，時時相見，
今你自嗟零落，不覺直言得罪，望作戲言可矣。
亞 悌：（亞牙曰）我知你笑我咯，究竟你之安穩，在何所長？
亞 舌：我睇勢色來湊，好食之來，煩以應接，而不傷損於他，量其可吞者吞之，不可吞
者吐之而已。唔似你兄弟咁縱橫，左咬來，右咬去，咬到連渣都無也。我雖一人
，可以長久獨立，你雖多眾，零落衰微矣。
亞 悌：（亞牙曰）人話我牙尖齒利，也知你重舌鋒藏劍也。
（兩人大笑而罷。）
（此雖戲弄之談，可為恃強者作一笑柄。）
（羅洪大仙有詩云：為人不必逞英雄，萬事無過一理通。）
（虎豹常愁逢獬豸，蛟龍又怕遇蜈蚣。）
（小人行險終須險，君子固窮未必窮。）
（百丈洋船沉海底，只因駛盡一帆風。）
（砒霜缽）
（江南金陵大城南門外，有一人姓鄔，名家治。）
（父子出外做生理，家中有老母，年近七十，雙目久盲。）
（妻梁氏，氣質凶橫，常以毒口咒人，人加其號為「砒霜缽」，事家婆尤為忤逆
（。）
（娶媳韓氏，性頗柔順，心不服砒霜缽所為，亦無奈何也。）
４５＊＊時間： 地點：
（一日，罵盲家婆曰）
砒霜缽：你個老狗？，好死唔死，在此食屈米，偷生人世，要你何用呀！
盲家婆：我食我子孫的米，又不是你在外家帶歸來，何用你咁眼緊哩？你一世都係欺負我
。（唔通個仔都唔知）我如今又盲又老，有幾久世界，你自己都要顧下本心，恐
怕雷公打你。
（砒霜缽發怒起來，蝦咁跳）
大 成：你個老狗？，乜知咁心毒麼？想請雷公來打我，我又硑得罪雷公，因乜事雷公來
打我呢？我唔怕雷公，只怕老公，但係我好命，嫁得好老公，一世唔曾罵我一言
，打我一棍，（分明縱妻之惡）唔比同你個老狗？，咁心毒，日日要罵人，方得
安樂。你話我欺負你，點樣欺負法？你逐一要講出來，若講不出，要切歪你個嘴
！
盲家婆：（惡生個樣子）且勿論前之事，即如近兩月間，我仔付回臘鴨八隻，臘肉十斤，
你將臘鴨送與亞姨，送與契友，東一隻，西一隻，我何曾食得幾多件呢？將臘鴨
晚晚煲五更飯，今晚一煲，明晚一煲，我何曾食得幾多件呢？
（今世人出外亦寄食物歸家，但老婆主權，父母所食有限）
砒霜缽：你時時怨有牙，唔食得硬物件，個的臘鴨咁乾，你唔著食咯，你近來腸肚弱，食
的肥膩就屙就瀉，個的臘鴨肉，你唔著食咯。（惡婆亦有道理）況且信皮寫云：
付回家下收入。丈夫稱我為『家下』，你叫做『家上』，照講來，與你無干，做
乜你咁要餐呀？
（做得大狀棍，無理議出有理來）
盲家婆：我硑得食麼？要有衣著為何你著綾羅綢緞，我總係粗衣麻布呢？
（丈夫肯作置老婆，做仔唔肯打理老母）
砒霜缽：個的係老公打扮我光輝，我修得到，係我之福，你一世唔修，所以有福。（專門
（講祈福說話）唔通六七十歲老太婆，重整成咁好色水麼？
盲家婆：我唔要好色水，都要補破遮寒呀！為何我的衣服穿爛，有時鈕耳崩、衫袖裂，你
為婦道，何解總唔打理呢？
砒霜缽：我有我事幹，點樣得閒打理呀？
盲家婆：（娶新婦何用）你唔得閒，我有孫新婦得閒，為何我叫佢漿洗，你定必叫佢去東
去西，致我衣裳浸爛者有之，發黴者有之，分明故意收什我。
砒霜缽：我個新婦，係我娶歸來，不是你作置的，問你一世有何本事，既做人家婆，已經
享福太過，又想做人太婆，你實在唔知足。
盲家婆：我唔講得你贏，你個把嘴終須要折騰死，落閻羅王要勾你舌根。
砒霜缽：（以手指向盲家婆曰）勾、勾、勾，勾你個盲鬼！有人有你咁心毒，開口就呼我
做砒霜缽，你試想下，煮熟飯何嘗唔許你食？煲滾茶，何嘗唔許你飲？你自己問
心呀！有天知、地知、人知、鬼知，睇過係我欺負你唔係呀！睇過話你好抑或話
我好呀！
盲家婆：你有錯，你有錯，終須個天饒你唔過。
（孫婦韓氏多方勸解，兩人歸房而罷。）
（六七日後，砒霜缽心猶大忿。）
４６＊＊時間： 地點：
（一日，心生一計，看見盲家婆在房中抽扯櫃箱，搬取物件，新婦又往鄰家磨谷
（，即解下縐紗包頭帶，打一個神仙索，輕輕移步人房，向盲家婆頸上一箍，出
（盡生平氣力，勒到盲家婆手亂扒、腳亂跳，欲喊不能出聲，欲活不能通氣，雙
（膝跪在地上，頭搖發亂，腰背擺左擺右、或高或低，眼中水火齊來，砒霜缽仍
（不肯放手，勒至死為止，嗚呼哀哉而氣絕矣。）
（砒霜缽解脫縐帶，尚恐其生，用手掩住口鼻，局了一回，然後放手又側耳向他
（口鼻處細聽，不聞聲息，（此地種草都無生了）知其真死無疑，盡勢拖挽，放
（在牀頭上。）
（一息間，新婦歸來，細聲曰）
砒霜缽：亞嫂，我有一件緊要事吩咐你知，只可你知，不能傳說於人。
（見其面色慌忙，青筋起現，知其必有古怪之處，遂低頭答曰）
韓 氏：婆婆有何吩咐？
砒霜缽：你個盲太婆，我一世共佢有緣份，個條命總唔合得佢，佢係我眼中釘，係我心頭
火。我先時將他勒死，鄰里來弔香，我自有講法，你不用多言。就係我老公及我
仔歸來，你亦不得洩露機關，講其來歷。你若疏言，我定必要死，我亦斷唔容得
你，要先將你勒死，拚之同你一鑊熟。
（韓氏聞言，大嚇一驚）
只 得：謹照婆婆所教，不敢多言。
砒霜缽：隨得你，你唔怕死，即管講。
（韓氏心內叫苦，不覺淚流滿面。）
砒霜缽：我都眼淚，你眼淚得咁多？你好可憐佢麼？你個賤人份外多事。
（遂將盲家婆檢點周至，忽然哭起來。）
（好傷心）鄰里走來問曰）
盲家婆：又與家婆打罵麼？
砒霜缽：唔係打罵，我家婆如今死了咯！
盲家婆：（大叔婆驚曰）我先時見佢在門口叫雞，為何死得咁快？
砒霜缽：唔講你唔知，因今朝煮多契女飯，契女唔來食。家婆叫肚痛，睡牀唔起身。到了
午後，喊肚餓，我話煲的白米頭，局的好臘鴨，佢唔願食，話要炒飯，我就切的
臘肉粒、雞蛋絲、蔥花正菜，炒得又香又爽。誰知佢食了一碗又一碗，食了四大
碗。老人腸肚窄，點能受得幾多呢？勸佢唔好食咁多，似乎話我砒霜缽制折佢，
又係唔好人。乜知炒飯性太焦，味太鹹，食完見喉渴，飲了一大煲茶，敢就飽得
眼凸凸，兩腳都伸直。你話點算好呀？人家唔知，估我共佢不和，似乎毒死佢，
但係能瞞得四鄰，不能瞞得佢孫婦，現有佢孫婦可據，我雖然醜稟，實係貌噁心
慈，（自家贊自家）唔比同人佛口蛇心，陰柔害物。我見佢飽得咁乾苦，實覺可
憐，初時唔估咁撞板，若早知道，斷唔炒飯過佢食咯！
盲家婆：（大叔婆曰）我知佢一世愛食炒飯，但唔該食咁多呀！
砒霜缽：（又一鄰婦曰）飽死好過餓死，勝過餓鬼，年年要等七月十四。
（講完，砒霜缽放聲大哭，備買棺執等項，親手自己殯殮，（恐怕被人看出）遮
（遮掩掩，有誰看到惡處？其夫及子歸來，殯葬已罷。）
（遲廿日間，其夫及子又遠回鋪矣。）
（計盲家婆死之日，其時係道光十六年十二月初旬也。）
（砒霜缽見家婆死後，並無人知覺，新婦又不敢言，自以為安枕無憂，逍遙自在
（，每餐飲幾兩好酒，局一串風腸，有時飲得醉霏霏，自言自笑。）
（快活咯）不過半年，身中大玻寒熱交作、一陣如冰凍，一陣似火燒。）
（睡中反覆滾滾團團，神魂飄蕩，見一官差，將鐵鏈鎖住頸上，拖狗咁拖，苦拖
（同去）
砒霜缽：你鎖我做乜呀？我又硑得罪你，（不過得罪家婆）你恃惡麼？
官 差：（笑曰）你重詐夢，你去就知道。
（砒霜缽尚估人告發，差役來拿，心中僕僕咁跳。）
（行至一處地方，陰氣慘淡，日色微茫，見無數披枷帶鎖、散發披頭，亦有的騎
（馬坐車、手舞足蹈，或人類畜類，滿眼紛紛﹔或含笑悲啼，情形種種。）
（想起人話陰間光景，此處想必無疑。）
官 差：（問）此是何方？
官 差：此是你結局之處。
（真妙語）砒霜缽愈見愈傷心，方知牽我者原是鬼差，哭唔願行，坐在地上放側
眠，逞蠻撒潑。）
鬼 差：（喝曰）你起唔起？
砒霜缽：我願死不願行。
鬼 差：（笑曰）你尚估係生人麼？你真正係唔行？
（砒霜缽垂頭閉目，總不答聲，遂抽住一隻腳，隨拖隨走，拖得砒霜缽手腳撒開
（，頭披髻散，大聲亂喊）
鬼 差：我願行咯！唔好拖得我咁淒涼咯！
（情景極有趣）不由分說，苦苦盡力拖起勢走，只管拖，只管罵，話）
鬼 差：唔怕你撒潑，唔怕你力蠻，你到來惡得過我？你話唔怕雷公，乜要怕我呢！
（砒霜缽一生唔曾被人丟過駕，今到此處盡地丟清，好似惡人到官，硑了一毫氣
（勢）
砒霜缽：差老爺，我硑犯你呀！為何將我咁作賤呢？
鬼 差：（好之你又作賤家婆）重有得過你賤，你估咐樣就罷了麼？你都唔知利害。
（引動得來往之鬼都笑，連一班牛頭馬面鬼卒亦笑起來，笑其拖得有趣也。）
（有一相識之鬼來講情，方歇手唔拖，任其起身行走。）
（去到一間大宮殿，企在門外。）
（聞知殿內呼喝聲，擠擁，忽牽入內，有一個判官唱名）
官 差：不孝婦鄔門梁氏到案。
（即跪在地上，閻王曰）
砒霜缽：你係金陵大城南門外部家治之妻，係你嗎？
砒霜缽：正是不差。
官 差：（王曰）有人告你。
（回頭，望見盲家婆跪在一旁，王曰）
砒霜缽：你勒死家婆，係你一人，抑或有別人幫手呢？
砒霜缽：（想）此事難推過新婦，況且家婆在後，不能誣賴於人。
盲家婆：（遂直認曰）小婦人一時淺見，將家婆勒死，係我一人，並無幫手。（有時勒死
（只狗都要兩人，勒死家婆，獨力可能做得，都是本事）今知罪過，悔恨難追，
總係望王爺格外施恩，大開方便，勿執勿怪。
盲家婆：（記錯拜神之時，拋係唔轉）王拍案大罵曰）你個賤婦人，好生大膽！將家婆勒
死，不知罪大通天，在陽間律例，應當碎剮凌遲，在陰間律例，要打落酆都地獄
，受苦五百年，變過豬狗畜生，方成人類。但係陰間受苦，陽世唔知，我今發你
還陽，將此事轉傳於人，世上多一人知，免你地下多受一日之苦。你丈夫郎家治
平日夫綱不振，容縱其妻，任由老婆刻薄老母，（世間每有此等人咁蠢才不中用
（）生前既不能發覺，死後又不能代老母報仇，在陰間罪案應當處斬。
砒霜缽：小婦人不孝，未曾入過學堂，（男子學堂亦有入，仍忤逆父母）頭戴膏油，不知
不識，（何以曉得罵家婆做老狗？呢）原望丈夫教導。因丈夫毫無管束，是以犯
此天條，（係丈夫叫你勒家婆嗎）望王爺准我投胎轉世，另行孝義，以補前非。
盲家婆：（王曰）今生事做不了，何論來生！（真爽快直捷）你一生壞在個把嘴，牙尖齒
利，造是生非，如今在我面前，尚敢支離辯駁，況在陽間咒罵，重了得麼？
（命小鬼將亞婦掌一百嘴巴，砒霜缽大哭嗚嗚，打得個嘴歪左歪右，（砒霜缽想
（扭歪家婆嘴，誰知自己之嘴重歪得多）口唇都長多一寸，唔敢出聲。）
（判官看見，以袖掩口，側面亦忍笑不住，笑其想賣口乖而受打也。）
（拭乾眼淚，又想開聲向王爺求情，王曰）
砒霜缽：不用多言。
（著小卒帶他還陽而去。）
（鬼卒又帶他一路行，一路走）
砒霜缽：差老爺，我如今魂飛膽碎，嚇破心肝，（你本來硑心肝用何被他嚇得破）精神困
極，腳骨軟了，（家婆條頸先軟了）容我一坐，做得唔呢？
鬼 差：你慌硑得過你坐麼？五百年地獄在，你慢慢坐到厭都做得咯。（個只鬼講說話，
（說得咁尖利，凶重鬥係過砒霜缽）你願行即行，你唔肯行又照先時咁樣拖你只
腳。
砒霜缽：唔好咯！我怕你咯！我情願快的走咯。
（一陣間，歸到屋內，被一推而醒，大嚇一驚，週身冷汗出來，牀中被褥濕透，
（自怨歎曰）
鬼 差：該死、該死！就係一死都未能了局呀！婆婆呀，乜你唔解生，等我奉事下呀！
（你奉事得多，佢心亦足咯）一夜，暗中流淚，以手自己打頭，總之，怨錯天光
。）
（後新婦入房來，叫洗面，唔願起身，新婦問其何故）
砒霜缽：我牙痛，牙骨刺，牙肉腫，大約有牙蟲都唔定咯。
鬼 差：（新婦曰）我試睇下。
砒霜缽：（搖手曰）駛七睇呀！我上下痛到死咯！
（新婦走埋牀，展開被一望，果見腮頰兩邊，皮肉浮高，面似豬頭咁大，唇又長
（，眼又深，口旁之處但現瘀黑色，好似打痕。）
砒霜缽：（新婦暗驚奇怪）今朝另外煲過白米頭，局的好臘鴨，與你食，著唔著呀？
砒霜缽：唔食得咯！粥水都唔輕易飲得啖咯！
（竟然眠在牀上，餓了三日。）
（家婆飽死，佢怕餓死）忽然身中生得無數瘡仔，上生至頭，下生至腳，連到手
指、腳趾、頸喉、耳鼻，處處皆然。）
（週身黃膿白泡，藥散敷之，連肉都卸落地，醫家無計可施。）
（惟背後一瘡更大，漸爛漸闊，穿了一個大孔，似巖洞之深，望見肚內，心肝脾
（肺俱現藍黑色，（其心更黑幾倍）名醫家不能識其證。）
砒霜缽：（醫家曰）書有載講，惡聲大瘡，唔有見過毒得咁淒涼。
（此醫家看外科書，不過曉得一半，知佢毒瘡，唔知佢惡呀）
砒霜缽：我一世好心，（更兼好口）唔知點解生得個咁樣病，總之係前世唔修咯！
（今世是真）新婦向側面，掩口暗笑，知道係勒死家婆證也。）
（醫家無法，只以大油紙鋪住，好似繃鼓一樣，免受生風。）
（唔似得縐紗帶束住可更好）鄰里來問病，不敢望其背，因有一婦見之，被嚇一
驚，歸家成玻醫家告退，砒霜缽叫苦連天，痛了幾十日，胸但似火，骨節似刀切
，喉極乾，頸極腫，（家婆死時有咁腫）如坐火炕，如睡筋牀。）
（即是生前大地獄）想拜天，手唔拜得，想跪地，膝唔跪得。）
（重咁神心麼）一日，痛到極處，叫新婦到牀前，細氣低聲（罵個陣時得咁大聲
（）曰）
家 婆：亞嫂呀，我一生唔好頤，唔肯饒讓人。（你唔饒讓人，鬼神唔饒讓你）因被你太
婆罵了一番，就懷恨在心，將他害死。我以為人唔知，鬼唔見，可以安然無事，
點估到地下真有閻王呀！被灶君奏天，婆婆又告發。前者勾我魂落陰間，與你太
婆對審一堂，曾經招認了案。閻王說要我坐五百年地獄。你家公因聽妻言之過、
都要斬首遭刑。我今死去，地獄之罪斷不能辭，未知你家公將來如何結果？（都
（係酸果苦果，唔係甜果咯）我死之後，不妨傳與人知，或者減我罪過一二。
（遂將閻王所判斷說話，逐一講與新婦知之。）
家 婆：（新婦聽聞，吐出舌，驚曰）真有陰司，怪不得婆婆咁樣病咯。
砒霜缽：（大叫數聲）我苦呀！
（家婆死唔出得聲，砒霜缽死可能出得聲，而且大聲）叫三日，四體裂而死。）
（其子歸來葬埋。）
（一月後，鄔家治枕骨後生一大瘡，歸家調理，漸生漸闊，生了兩三個月，通條
（頸俱闊完。）
４７＊＊時間： 地點：
（一日坐牀，只顧低頭，不覺大啊一聲，頭跌落地。）
（其聲與大芋頭在房上跌落地下相似）新婦方知閻王話要處斬，即斷頭瘡也。）
（其子又殯葬畢。）
（約半年之後，一日有鄰里三五婦人，來到鄔家治之屋，與其新婦韓氏共坐閒談
（。）
（一婦人講起砒霜缽一世忤逆家婆，毒心毒口，唔怪得咁樣死法，亦理所當然。
（）
（獨至其夫鄔家治，一生柔順，（順老婆）並無得罪於人，何以咁樣死？唔通天
（眼半明半暗，只開只閉，（講得好新樣）亦未可知。）
（計起番來，做醜人不宜，做好人亦無益也。）
韓 氏：我話天眼明過鏡，總係人唔知。
韓 氏：（眾問何故）我太婆唔係飽死，係我惡家婆將他勒死。
砒霜缽：（眾大驚曰）此犯天條大惡，為何不出聲？
韓 氏：極之難講。家婆吩咐，話我出聲，先將我害死，所以不敢呀。其後佢魂落陰間，
閻王審判，要佢落地獄，我家公要斬頭，所以咁樣古怪。此等說話，係我家婆痛
到將死時，講與我知，故此知其端的。
砒霜缽：（婦曰）唔怪得咯，死都唔好。可惜佢咯，連你家公都係蠢才，一世陰陰濕濕，
有的丈夫男子氣。我有一次人來你屋，見砒霜缽咒罵盲家婆，你個家公只曉得坐
住竹椅，拈煙筒食煙，總不出一言、喝一句。所以容縱砒霜缽，惡得咁淒涼呀！
至到盲老母，六七十歲人，遇時受苦。應承做仔，有咁硑本心，話曉發財，又話
去幾遠地方，一間屋內，好似倒麻藍紗咁亂，講乜本事呢？叫做鄔家治，都唔治
得一個老婆，重想治一家？個的都唔係叫做男子佬，實係叫做老婆奴。
韓 氏：（又一婦笑曰）你老公唔聽你說話麼？
砒霜缽：（其婦答曰）我老公有咁蠢才，話著佢老母唔好，就好似打崩佢頭咁樣痛咯，有
的好食物，要先敬佢老母，然後中佢意。（天地間另生一等奇男子出來顯與眾看
（）我雖然係醜稟，都唔敢得罪佢老母一句。你話我老公奇唔奇呢？你估比同鄰
家家治咁衰麼？歸來伏在老婆裙頭下，要聽老婆聲氣，自己唔做得主意，個的重
係叫做人？
韓 氏：（又有一婦答曰）我地硑命水，嫁得個老公，總唔聽我說話。
砒霜缽：（前婦曰）聽你話，實首好麼？鄔家治聽老婆話，好之衰生個樣？
韓 氏：（有一老婦曰）看如何聽法，勸唔好嫖，唔好賭，唔好吹鴉片，要顧身，要顧家
，個的說話，俱要聽。若只曉得派翁姑不是，叔伯不是，做男子就唔著聽咯。
砒霜缽：（眾婦曰）究竟二叔婆講來有理，唔怪得二叔公一世都聽你說話。
（各人大笑而散。）
４８＊＊時間： 地點：
（自此，砒霜缽之事漸傳出來，遠播於眾。）
（惡逆婦大痛大苦幾十日，然後四體裂開，死慘過凌遲碎剮矣。）
（不孝子生斷頭瘡而死，慘過斬首正法矣。）
（天不言而報應，真可畏也。）
（然天豈欲如此多事哉？無奈大逆不孝者自作孽何！）
（茅寮訓子）
（清朝滿州之官，並無姓氏，只以名為姓焉。）
（康熙年間，滿州有一人，叫做同貞，為官做到官詹之職。）
（同貞有結髮之妻，生了三子。）
（不幸中年妻死，續娶填房一個汪氏，一分美貌聰明，係旗下人家女也。）
（汪氏歸來，持家極有禮法。）
（厚待丈夫三子，意極仁慈，作如自己所生，無分別也。）
（同貞性氣剛直，遇事不合，便忿忿不平。）
（後因一件案情辦得太烈，致朝臣執奏，削職抄家，產物一空，漸成貧困。）
（汪氏極力撐持，幫助其夫用度。）
（同貞不以失官為意，貧淡順其自然。）
４９＊＊時間： 地點：
（未幾，同貞死，汪氏哭絕，痛不欲生，水漿不肯入口，決意同亡。）
砒霜缽：（既而覆想一下）敢死易，養仔難，連自己死埋，個班仔向誰倚賴？況且先夫臨
死，曾經吩咐牀前，要我撫養諸兒，不可置之度外。若使自尋短見，夫在九泉之
下，依然緊皺雙眉。
（左想右思，死去亦難，不死亦苦，人生天地，不怕做辛苦事，還期苦盡甘來。
（）
（於是立硬心腸，咬牙抵住，勉強起立，打點殯葬事宜，受痛含悲，難向諸兒解
（說。）
（三子只知啼餓，誰憐寡母腸斷魂離，哭淚難乾？惟有叫夫知道而已。）
５０＊＊時間： 地點：
（其時，汪氏守寡，年僅廿二歲也。）
（家既貧，無人照顧一二，備極艱辛。）
（惟望三子學問能成，方有生路。）
（勉強請一個先生來教三子，將所住之屋，截出一半做書館。）
（典當衣服首飾，備買紙筆，與及經書。）
（先生金其價亦廉，而飲食供奉之情極盡誠敬。）
（捱了一年，而貧更甚，漸不能當。）
（想叫三子出外從師，難供費用，於是自己教訓。）
（手勤紡績，口授經書，三子企立一旁，眼觀耳聽。）
（有時天寒冰凍，燈光如豆，火不成紅，而冷雨淒風破窗亂打，猶執諸兒之手，
（指向卷上，字句分明，而哽咽一聲，不禁淚流滿面者矣。）
（諸子旁侍亦泣，於是掩卷收燈，回牀而睡。）
（枕孤被爛，破席零星，猶囑諸兒，各於牀上唸書，沉吟覆記。）
（僅到五更，叫諸兒復起誦讀，而汪氏已離牀開卷矣。）
（及後，並無錢賃屋，無處棲身，因賃一空地，篷結茅寮，母子居祝或早朝無米
（煮，近晚食粥一餐，教三子奮志讀書，要做好人，以承祖父之志。）
（三子若有懶惰，散步遊行，汪氏則啼哭呼天，自怨自責。）
（三子恐懼，即時跪在母前，認了不是，願自後遵從母教，不敢荒疏。）
（汪氏然後收淚止啼，方肯飲食。）
（三個仔兄弟相勸，你勸我、我勸你，務要發奮做起人來，以慰老母之德。）
（由是真正用功，苦心習練。）
（每朝清晨到老母面前，拜了三拜，然後虛心下氣，企在於旁，以聽老母吩咐，
（若無別話，各去攻書。）
（至康熙癸丑科，大仔叫做逢泰，細仔叫做滿保，兩個中了舉人。）
（申戌科，逢泰中進士，點翰林。）
（庚辰科，滿保中進土，點翰林。）
（丙戌科，第二仔叫做元旦，亦中了舉人。）
（三子皆登科甲。）
（康熙三十六年冬月，第三仔滿保升去福建做撫台。）
（康熙四十年，滿保又升福建浙江做兩省總督。）